Kinumpirma ni Atty. Michael Poa nga awan ti naited a pondo ti Department of Education iti Armed Forces of the Philippines (AFP) partikular iti Philippine Army para iti pannakaisayangkat ti Youth Leadership Summit (YLS) idi 2023.
Daytoy ti inaklon ni Atty. Poa iti panagsaludsod ni prosecution lawyer Atty. Jay Tolosa no husto nga awan ti pondo a naited uray piso ti DepEd iti AFP para iti pannakaisayangkat dagiti youth leadership summit.
Inlawlawag ni Poa a no ti dakdakamaten ni Tolosa nga awan ti naited iti AFP ket ti confidential funds nga isu met ti inamongan ti prosekusion.
Maipalagip nga impaganetget da Army Col. Manaros Boransing ken Army Col. Magtanggol Panopio nga awan ti naawat da nga aniaman a confidential funds ti unit da para iti pannakaisayangkat ti YLS.
