Naituding a mangipaay ti Department of Social Welfare and Development Field Office 7 Central Visayas iti tulong kadagiti pamilia ken indibidual a naapektaran iti panagreggaay ti landfill idiay Barangay Binaliw, Cebu City babaen iti Assistance to Individuals in Crisis Situation (AICS) program ti DSWD.
Kalpasan ti insidente, nangisayangkat iti assessment ti DSWD Field Office 7 kadagiti lugar ken naited ti tulong kadagiti pamilia a naapektaran.
Nangipatulod pay ti ahensia kadagiti ready-to-eat food box ken nangipatakderda iti tent a kumamangan pay laeng dagiti naapektaran nga agindeg.
Agtultuloy ti pannakibinnulig ti DSWD kadagiti local government unit tapno masigurado a maipaay ti umdas a tulong kadagiti naapektaran nga agindeg, nangruna ta agtultuloy pay laeng ti retrieval operation.
