--Ads--
Nakigtot ti maysa a residente idiay Daclapan, Cabugao ta sabsabali ti langa ti maysa nga uken manipod uppat nga impasngay ti tarakenna nga aso.
Iti pannaki-uman ti Bombo Radyo Vigan ken ni Reden Andres, apaman a nakapasngay ti asoda ket napansin ti kabsatna a sabsabali ti langa ti maysa kadagiti uken ta agong ken lapayag laeng iti adda iti rupana.
Segun ken ni Andres, ti agong ti uken ket inladawanna a kasla awan ti abotna ngem adda bassit a pagangesanna ngem marigatan iti panagangesna.
Patienna a sibibiag pay laeng idi a naipasngay ti uken ta nabara pay laeng iti bagina ngem saanen a nagpaut ta kalpasan iti maysa nga oras ket napansindan nga awanen iti biagna.
-- ADVERTISEMENT --
Uppat ti impasngay ti tarakenna nga aso ngem maikatlo ti sabsabali ti langana.
