VIGAN CITY – Sangapulo ket lima a locally stranded individual wenno authorized person outside residence ti awaten laeng ti lokal a gobierno ti Santa iti linawas mangrugi inton August 15 ken kasapulan nga adda ti certificate of acceptance tapno makastrekda ditoy probinsia.
Aramiden ti LGU-Santa ti nasao nga addang tapno naur-urnos ti pannakikinammayet dagiti LSI ken APOR iti panagawidda kasta payen ti pannakaisagana dagiti quarantine facilities a pagtalinaedanda.
Tapno maiproseso ti certificate of acceptance ket rumbeng nga adda ti PNP JTF Travel Authority, Medical Clearance nga aggapu iti City Health Office a paggapuan dagiti kayatna ti agawid, Proof of Residence iti ili ti Santa ken adda ti online application a mabalinda nga aramaten tapno makaala kadagiti nasao a requirement.
Gapu ti dayta, kiddawen ni Mayor Jesus Bueno ti pannakitinnulong ti tunggal umili a sumurot iti nasao a pagannurotan ita a panawen ti pandemya ken sangsangkamaysada a manglaban iti COVID19.
