Maipasango iti nadagsen a testimonia ni dati nga Ako Bicol Rep. Zaldy Co kalpasan nga imbutaktak ti Anti-Money Launderting Council iti Sandiganbayan a mapapati a nakaawat iti pakabuklan nga P802 million manipud iti maysa a construction firm a karaman iti kuwestionable a proyekto iti Oriental Mindoro.
Segun ken ni AMLC lawyer Jan Mark Busa, ti nasao a pondo ket nagtaud iti Sunwest Construction babaen kadagiti check deposit sipud 2019 agingga 2025.
Pinasingkedan ti prosekusyon a ti nakita a financial trail ti nangpatibker iti kinunada a kontrolado latta ni Co ti kompania iti baet dagiti immuna a nadakamat a pinanawannan ti Sunwest.
Nagtaud ti kaso iti maysa a P289-million flood mitigation project idiay Naujan a mapapati a saan met a naipatungpal ken karaman kadagiti kaso a naipila ti malversation.
