Kinumpirmaran ti Anti-Money Laundering Council (AMLC) nga adda nabigbigda a covered ken “suspicious transactions” nga adda kainaigan ken ni VP Sara Duterte ken asawana a ni Atty. Mans Carpio.
Iti panagsaludsod ni Rep. Ferjenel Biron ken ni AMLC Executive Director Ronel Buenaventura no adda nakita a makapadudua a transaksyon kadagiti account a konektado ken ni Duterte ken pamiliana ket insungbat ni Buenaventura nga adda.
Kinumpirmaran ti AMLC a nakairekord dagiti bangko dagiti covered transaction projects (CTR) ken suspicious transaction reports (STR) nga adda kainaigan saan laeng ken ni Duterte ken uray iti asawana a ni Manases Carpio.
Maibasar kadagiti listaan a nailatag iti panagdenggeg, umabot iti nasurok-kumurang P6.77 billion ti pakabuklan a gatad dagiti transaksyon a naireport a konektado iti bise presidente ken asawana.
