Posible a sumango ti kaso a perjury ni Dismissed Mayor Alice Guo manipod Bamban, Tarlac nu agipila iti certificate of candidacy (COC) nu mapaneknekan a saan a pudno dagiti naibaga iti panagsapatana kas kinuna ni Solicitor General Menardo Guevarra.
Dayta iti sarita ni Guevarra kasaruno iti pakaammo a plano ni Guo nga agipila ti COC ken tumaray iti kina-mayor iti Bamban.
Segun ken ni Guevarra, mabalin nga agipila ni Guo iti certificate of candidacy ngem i-disqualify iti Commission on Elections (Comelec) para ti misrepresentation ken saan a mairaman ti naganna iti balota para iti May 2025 elections.
Ipannakkel ni Guevarra ti addang ti Department of Foreign Affairs (DFA) nga ikanselar ti passport ni Guo a sumangsango kadagiti kaso pakairamanan ti qualified human trafficking, falsification, money laundering ken tax evasion.
