--Ads--
Nangipila ti mosion ni dati nga Bamban, Tarlac Mayor Alice Guo tapno agtalinaed isuna iti female dormitory ti Pasig City Jail ken saan a maiyakar iti Correctional Institution for Women idiay Mandaluyong.
Ni Guo ken ti pito a kaduana ket sinentensian ti guilty ti Pasig Regional Trial Court Branch 167 idi kalman iti kaso a qualified human trafficking.
Nasentensianda iti life imprisonment ken piyansa a P2 milion kada kaso ken panagbayad ti danyos kadagiti biktima.
Ti kaso ket adda pakainaiganna ti operasion ti illegal a Philippine Offshore and Gaming Operation (POGO) hub idiay Bamban Tarlac a naduktalan babaen iti insayangkat a raid dagiti otoridad idi tawen 2024. //Reynand Fontejon
-- ADVERTISEMENT --
