Rinibo a pulis ken suldado ti nagpaso ti iggemna a License to Own and Possess Firearms kas inbutaktak ni PNP Civil Security Group (CSG) spokesperson Police Lt. Col Eudisan Gultiano
Segun kenkuana, adda dagiti gundaway a marigatan dagiti pulis ken suldado nga irenew ti lisensya dagiti paltogda gapo metten iti 24/7 a trabaho ngem inyunay unayna a rumbeng nga asikaswenda latta ti nasao a banag ta paset dayta ti performanceda iti serbisyo
Inaig dayta, inpakaammon ti Philippine National police a saanen a kasapulan ti drug test , psychological ken psychiatric exams dagiti aktibo a pulis ken suldado iti panagala ti lisensya kalpasan a nangiruaren ti memorandum ni PNP chief Police General Rommel Marbil
Nakailanad iti memorandum a napetsaan idi July 16 , inlawlawag ni Marbil a dagiti aktibo a kameng ti military ken kapulisan ket nasanay kas responsable a firearm holders.
Nupay kasta, innayon ni Marbil a dagiti aktibo a kameng ti PNP ken AFP ket nasken laeng a mangipakita ti ID-da manipud kadagiti gunglo ti kapulisan ken militar
Iinnayon na a regular a maisaysayangkat ti drug tests kasta met ti psychological ken psychiatric exams iti PNP.
Iti kaudian a rekord, kinuna ni PNP Civil Security Group (CSG) spokesperson Police Lt. Col Eudisan Gultiano nga addaan ti PNP iti 11,000 nga expired licenses nga agtagikua ken agikut iti paltog (LTOPF)
 spokesperson Police Lt. Col Eudisan Gultiano){kind=link}