Maysa ti nadangran iti napasamak nga aksidente iti national highway sakupen ti Barangay Balingaoan, siudad ti Candon.
Ti six wheeler mini dump truck ket minaneho ti agtawen ti limapulo ket dua, naasawaan, truck driver ken residente ti Barangay Palali Poblacion, Alaminos, Pangasinan.
Ti met Kawasaki AX125 motorcycle ket minaneho ti agtawen duapulo ket walo, roving dicer ken agnaed ti Barangay Baliw Daya, Santa Maria.
Agpada nga agturong iti amianan a direksion dagiti lugan ket idi nadanonda ti nakapasamakan ti insidente, nag-flasher ti mini dump truck iti kannigid idi aksidente a nadungpar ti napaspas a motorsiklo nga adda iti likudan-na.
Nagsagaba ti dunor ti nagmaneho ti motorsiklo a dagus a naitaray iti balay pagagasan para ti naan-anay a pannakatamingna idinto a saan a naan-ano ti drayber ti mini dump truck.
