--Ads--
Saan pay laeng nga i-ground ti Civil Aviation Authority of the Philippines (CAAP) ti dadduma pay nga aircraft ti operator ti nagswek a Cessna plane idiay Iba, Zambales.
Segun ken ni CAAP Spokesman Eric Apolonio, kasapulanda pay laeng a mabigbig nu ania iti rason ti insidente.
Apaman a maited ti rekomendasyon ti Aircraft Accident Investigation and Inquiry Board ket isunton ti panangiruar ti pangngeddeng ti CAAP.
Naammoan a ti operator ti nagswek a Cessna 172 aircraft nga adda Tail No. RP-C2211 ket ti SkyAero Trade.
-- ADVERTISEMENT --
Agtultuloy iti panagpaagas dagiti uppat a nakalasat iti President Ramon Magsaysay Memorial Hospital idiay Iba, Zambales pakairamanan ti maysa a flight instructor a piloto ken tallo nga student-pilots.
