VIGAN CITY- Innem a babbai ti nakemmeg iti nagsina nga anti-illegal gambling operation dagiti otoridad idiay Barangay Capangpangan ,Vigan City ta naaktuan da dagiti suspek nga agtotong-it.
Immuna a nakemmeg da Rebecca Alconcel, agtawen ti lima pulo ket lima, naasawaan; Winnie Dizon, agtawen ti uppat a pulo ket walo, naasawaan , ken Myra Laurete, agtawen ti tallo pulo ket innem, balasang ken agpapada nga agnaed iti nasao a lugar ket naala kadakuada ti maysa a set ti baraha ken dwa gasut pito pulo ket uppat a pisos a kuarta.
Kabayatanna, naaktuan pay dagiti otoridad nga agayay-ayam ti tong it da Milagros Aspa ,agtawen ti lima pulo ; Joyce Piano, agtawen ti dwa pulo ket syam ken Maria Corazon Piano, agtawen ti dwa pulo ket lima, agpapada a naasawaan ken taga Barangay Capangpangan ket naala kadakuada ti maysa a set ti baraha ken uppat a gasut a pisos a kuarta.
