VIGAN CITY- Nadadael iti date dagiti teeanger nga agnobyo idiay Brgy. Paratong , Sta. Catalina , Ilocos Sur gapu iti panangholdap kadakuada dagiti nakamaskara a lallaki.
Nabigbig dagiti biktima a da Genesis Bilog, tubo ti Brgy. Burgos, Sta. Lucia ngem agananed idiay Tamag, Vigan City ken Jayvee Amigable, a taga Beddeng Daya, Vigan City ,agpada nga agtawen ti 19 nga estudyante ti University of Northern Philippines.
Maibasar ti report, agawid kuman dagiti agnobyo manipud iti igid ti baybay idi sinabet isuda dagiti dwa a nakamaskara a lallaki ket pinaturungan da isuda ti paltog ken kutsilyo ken pinangtaan da a patayen no saan da nga ited dagiti gamit ken kuarta da.
Naala manipud kadakuada iti dwa a cellphone ken kuarta a PHP200 ken intaray pay dagiti suspek ti motorsiklo ni Jayvee.
Naisayangkaten ti manhunt operation kontra kadagiti suspek.
