VIGAN CITY – Im-imbestigaran pay laeng dagiti pannakabagi ti linteg iti napasamak a pammaltog idiay arko ti Barangay Cabaritan, Sto. Domingo idi rabii a nakatayan ti aglive-in partner a da William Ripotula Jr. a taga- Paduchico, Sto. Domingo kenni Lilian Umani a taga- Maas-asin, Magsingal ta nagsagaba da iti tama iti paltog iti naduma-duma a paset iti bagi da.
Segun iti maysa kadagiti putot ti biktima a ni William a ni Laylene, ninamnama nan a mapasamak ken ti ama da iti nakapay-an na gapu ti panagpapautang da nga aglive- in partner.
Kinunana, uray nu saan da nga agpatpatang unay nga agama, makitkita na a kanayon da a rumuwar nga aglive-in partner ket rabii danton a sumangsangpet iti pagtaengan da.
Naitaray dagiti biktima idiay Magsingal District Hospital ket idi kinita dagiti nurse ken doktor dagiti alikamen da, naala kadakuada iti kwarta nga aggatad iti sangagasut sangapulo ket pito ribo walo gasut pito pulo ket tallo a pisos.
Inlawlawag met ti maysa kadagiti kabsat ni Lilian nga idi damo ket buy and sell iti negosyo da nga aglive in partner ngem idi dimmakkelen iti negosyo da ket nastrek dan iti agpautang.
