--Ads--
Nakemmeg dagiti aglive-in partner iti naisayangkat a buy-bust operation idiay Barangay Baliw Laud, Sta. Maria, Ilocos Sur.
Iti pannaki-uman ti Bombo Radyo Vigan ken ni PMaj. Macario Dulawan Jr. manipod iti Sta. Maria Police Station, ti lalaki ket maysa a high value individual idinto a ti babai ket street level individual.
Segun ken ni Dulawan, nabayag a pinalpaliiwda dagiti suspek sakbay pay a naisayangkat iti operasyon kontra kadakuada.
Babaen ti polis a nagpamarang a buyer ket nakagatang kadagiti suspek iti shabu ket apaman a manarimaan iti transaksyon ket isun ti pannakakemmeg dagiti suspek.
-- ADVERTISEMENT --
Naammoan pay a datin nga adda rekord dagiti dua maipanggep iti pannakakemmegda iti isu met laeng a kaso.
