VIGAN CITY – Inadal iti grupo dagiti managsukisok idiay Arizona nu anya ti epekto ti agkurang a turog dagiti college students iti panagadal da.
Maibasar iti panagadal kadagiti nasurok a sangagasut a ribo a college students, rimuwar a ti agkurang nga oras iti turog ket adda epekto na iti mental health.
Dagiti college student nga agkurang iti turog ket adda iti dua pulo a porsyento na nga agsagaba kadagiti sintomas ti mental health condition kas ti depression ken anxiety.
Segun ken ni Dr. Cristina Lope Rosello, maysa a clinical psychologist, masapul dagiti estudyante iti pito agingga siyam nga oras iti pannaturog.
Nu agkurang iti turog iti maysa a tao, dakkel iti epekto na iti salun-at iti bagi ken ti utek.
Kinunana, napintas a dua agingga tallo nga oras sakbay iti pannaturog ket kissayanen iti panagaramat ti gadget ken padasen iti maturog iti isu met laeng nga oras iti inaldaw.
Mabalin pay iti uminom iti gatas wennu danum, wennu saan ket ag-breathing exercise kasta pay a napintas iti agmeditate.
