Nadunor dagiti agkbasat kalpasan a nagturong iti pammagkong ti ririda kabayatan ti panaginomda idiay Barangay Sarsaracat, Magsingal, Ilocos Sur.
Ti biktima ket ti lalaki nga agtawen iti limapulo ket uppat idinto a ti suspek ket ti kabsatna nga agtawen iti uppat a pulo ket innem, agpada nga agnaed iti nasao a lugar.
Iti pannaki-uman ti Bombo Radyo Vigan ken ni Police Captain Melvin Trinidad, agin-inom ti suspek ken dagiti kaduana idi limmabas ti biktima ket adda nangngegna a sarsaritaen ti kabsatna isu a napanna inanawa.
Nagturong iti nabara a patangan ti ririda agingga a naaddaanda iti pisikal a komprontasion.
Kabayatan ti riri ket nangibittak ti suspek iti bote nga isu ti inaramatna nga armas idinto a ti biktima ket armado met iti kutsilyo.
Agpada a nadunor dagiti agkabsat ket naipaagasda iti ospital para iti pannakatamingda.
