Impaganetget ni Presidential Communications Office Acting Secretary Dave Gomez a saanda a palabsen dagiti agwarwaras a fake news wenno makadadael nga impormasyon kontra iti first family wenno pamilia ni Pres. Ferdinand Marcos Jr.
Imballaagna a makasoan iti siasinoman a mangidadaulo wenno adda iti likodan iti panagiwaras iti nasao a klase iti impormasyon kontra iti first family.
Dayta ket kasaruno iti panangiduronna a paimbestigaran ti Department of Justice ti social media page a Malasakit News Pilipinas gapu iti mapapati a panagiwarasda iti peke a damag.
Ti kangrunaan a naireklamo iti DOJ ket iti fake news maipanggep ti Energy Lockdown, Fuel Storage, ken Emergency Lockdown.
Patienna a gagem ti nagiwaras a maaddaan iti panic iti publiko kagiddan iti sangsangwen a krisis iti gasolina.
