--Ads--
Kinumpirmaran ti National Bureau of Investigation a pimmanawen iti pagilian da Senador Loren Legarda ken ti anakna a ni Batangas Rep. Leandro Leviste idi Agosto 2, sakbay pay a mairuar ti subpoena kontra iti kongresista idi Agosto 3.
Segun ken ni NBI Director Melvin Matibag, ni Leviste ket nagbiahe a napan Hong Kong, idinto a ni Legarda ket nagbiahe iti sabali a flight a dimmalan idiay Hong Kong sakbay a napan idiay France.
Napaayaban ni Leviste iti NBI gapu iti imbestigasion iti mapapati a plano a “honey trap” kontra ken ni Executive Secretary Ralph Recto.
Gapu ta adda isuna iti sabali a pagilian, saan a nakadar-ay iti naituding nga isasangona iti subpoena.
-- ADVERTISEMENT --
