--Ads--
Dead on arrival ti maysa a lalaki a napaltugan idiay Barangay Patong, Magsingal, Ilocos Sur.
Nabigbig ti biktima a ni Maynard Unciano Torreno Jr., agtawen iti tallopulo ket tallo, maysa a hog raiser.
Natalged metten ti kasasaad ti asawana a nairaman a napaltugan idinto a ti anakda ket saan a naan-ano.
Nakalugan iti traysikel dagiti biktima idin pinaltugan ti mapapati a riding-in-tandem a suspek.
-- ADVERTISEMENT --
Maipalagip a ti biktima ket isu ti nangpaltog iti kasinsinna a ni Edmond Unciano Ronquillo babaen ti panangaramatna iti armalite idi January 29, 2025.
Iti agdama, manarimaan ti hot pursuit dagiti pannakabagi ti linteg tapno masapulan ti suspek.
