Pinadayawan ti Armed Forces of the Philippines (AFP) dagiti soldado a nadunor iti engkwentro idiay Basilan.
Impaay ni AFP Chief of Staff General Romeo Brawner Jr. ti Wounded Personnel Medal kadagiti suldado gapu iti determinasyon ken kinabannurda bayat iti panagbisitana idiay Western Mindanao Command.
Impasigurado ni Brawner kadagiti suldado ken pamiliada ti access ti medical care and assistance tapno matulonganda a malaingan.
Pinasingkedan ni Presidential Peace Adviser Carlito Galvez Jr. a napasamak iti engkwentro idi Mierkoles (January 22, 2025) bayat ti panangipaay ti seguridad dagiti tropa ti 32nd Infantry Battalion kadagiti United Nations Development Programme personnel a nainaig iti peace and development project idiay Barangay Lower Cabengbeng, Sumisip, Basilan.
Dua a suldado iti natay ken sangapulo ket dua iti nadunor iti engkwentro iti dua nga armado a grupo, ti maysa kadagiti grupo ket mapapati a mainanaig iti Moro Islamic Liberation Front.
