Nakasagana a tumulong ti Armed Forces of the Philippines (AFP) iti panagisayangkat ti inspeksion kadagiti maanomalya a flood control projects.
Impasigurado ni AFP Spokesperson Col. Francel Margareth Padilla a no adda ti official request a maawat ti grupo ket dagus nga agisayangkatda ti inspeksion ken panagsukisok kadagiti flood control structure ken tumulong ti panangbukel ti findings.
Mabalin a bilinen ti AFP iti Corps of Engineers-da ken dadduma pay a yunit nga adda karbengan ken abilidadda a mangisayangkat iti public infrastructure inspection.
Ti addang ket kas panangsurot iti bilin ti Department of Public Works and Highways Secretary Vince Dizon a makiddaw ti tulong ti kapulisan ken militar gapu ta saan a kabaelan nga agmaymaysa ti ahensia ti aginspeksion kadagiti rinibo a proyekto.
