Impakita ti Bureau of Fire Protection iti Palace Press Briefing ti actual nga napasamak nga uram iti MV June Aster babaen iti Artificial Intelligence re-enactment.
Maipalagip a nauram ti Barko idi September 9, 2026 iti asideg ti Coron Palawan a nakatayan iti pitopulo ket pito a pasahero.
Iti panangilawlawag, mabalin nga ti gapuanan ti uram ket ti panag laok iti asphalt ken chlorine a kargamento ti barko a nakapuwesto asideg ti exhaust ti mismo a makina.
Ti asok manipod iti uram ti makitkita nga maysa nga nagbalin a rason tapno ma suffocate dagiti biktima sakbay da nga ma rescue manipod iti nauram a barko.
Iti maudi nga report ti Philippine Coast Guard, 66 iti 77 nga pimmusay ket naamuan ti kinasiasino na, kabayatanna 11 ti agtultuloy nga birbiruken da ti kinasiasino na.
~ Bombo Kleo
