VIGAN CITY – Nangiparuaren iti press release ti Alliance of Concened Teachers Partylist tapno paneknekan a legal ti grupo ken mangipasada ti resolusyon tapno mailawlawag ti Department of Education no apay a saanda a bigbigen dagiti teachers organization a mangibagi kadagiti mangisursuro ditoy pagilian.
Iti pannaki-uman ti Bombo Radyo Vigan ken ni Rep. France Castro, panangtagibassit iti imbaga ti DepEd ta ti ACT Teachers Partylist ket miembro iti maysa a kadakkelan a grupo dagiti mangisursuro iti intero a lubong ken nabukelen idi 1982 ken naawatda pay iti Trade Union Rights Awards idiay Netherlands ken Norway.
Malaksid iti dayta, rehistrado pay ti grupo iti Securities and Exchange Commission, Civil Service Commission, Department of Labor and Employment ken adda ti nabukel a paglintegan a mangipalubos iti kaadda dagiti organisasyon dagiti mangisursuro.
Gapu iti dayta, balawen ti kongresista no apay nga awan iti uray maysa a grupo ti bigbigenda ken kwestyonaranna no anianto pay nga organisasyon a mangbukel kadagiti legislative agenda para iti edukasion ken dagiti mangisursuro.
