Binanatan ni Atty. Estelita Cordero dagiti imbaga ni dati nga Ilocos Sur Governor Chavit Singson.
Dayta ket kalpasan a napilaan ni Singson iti kaso iti Office of the Ombudsman.
Iti pannaki-uman ti Bombo Radyo Vigan ken ni Cordero, kinunana a nasaysayaat a sungbatan laengen ni Singson dagiti kaso a naipila kontra kenkuana.
Kinontra pay ni Cordero ti panangibaga ni Singson a ‘harassment’ ti inaramidda.
Segun kenkuana, awan ti kabaelanda a mang-harass iti dati a gobernador, ket impaganetgetna a ni Singson ti ad-adda a mangar-aramid iti harassment kadagiti umili.
Nagpanawagan ti nasao nga abogado iti panagkaykaysa tapno mailaban ti husto para iti probinsia.
Maipalagip a pinilaan ti grupo a Warriors ti Ilocos Sur nga idadaulwan ni Cordero, ni Singson iti kaso a panaglabsing iti Anti-Graft and Corrupt Practices Act.
Nagtaud ti kaso iti mapapati a saan a husto a pannakaaramat ti nasurok-kumurang P585 million manipud iti Tobacco Excise Tax, a naaramat a pangpatakder iti “Tobacco Farmers Convention Center” noong 2008.
