Nagpanawagan manen ni House Committee on Human Rights Chairperson ken Manila Rep. Bienvenido Abante Jr. ken ni Vice Presidente Sara Duterte a personal a sumango iti impeachment trial court ti Senado tapno direkta a sungbatan dagiti pammabasol kontra kenkuana.
Pinasingkedan ni Abante a ni laeng VP Sara ti adda kabaelan na nga agpalawag kadagiti isyu a maibat-bato iti opisina-na.
Nupay kasta, inlawlawag ti agpampanday linteg a ti panawagan na ket saan na a kayat a sawen a guilty ti opisial.
Sumangsango ni Duterte iti uppat nga articles ti impeachment pakairamanan ti madi a panagaramat ti confidential funds, unexplained wealth, panagpasuksok iti Department of Education ken pangta ken destabilisasion.
Innayon ni Abante a ti trial ket saan a patangan iti politika ngem maipanggep iti panagsapol ti kinapudno ken pannaka-dusa.
