VIGAN CITY – Impakaamo ti Provincial Government of Ilocos Sur nga awan iti maisayangkat nga antigen testing kadagiti border iti probinsia inton December 24, 25, 31, 2020 ken January 1, 2021.
Inlawlawag ni Governor Ryan Singson iti pannaki-uman ti bombo Radyo Vigan a nu kayatda a sumrek iti probinsia ket kasapulan a kompleto iti requirements-da ta awa iti man power a mang-test kadakuda iti border.
Segun ken ni Gov. Singson, ti nasao a banag ket awan iti ag-test kadagiti sumangpet isu a kasapulan dagiti planona a sumrek iti probinsia nga adda iti resulta a negatibo iti RT-PCR ken Antigen test ken kompleto ti requirement ken dokumentoda.
Kabayatanna, agtultuloy iti panagpalagip ti gobernador ti panangsurot kadagiti health safety and protocols a naiyetnag tapno saanen nga agwaras iti covid-19 iti probinsia.
