
--Ads--
Dua a saan pay a nabigbig nga indibidual ti nagtakaw idiay San Esteban National High School, Barangay Villa Quirino, ili ti San Esteban.
Naala manipud iti pagadalan ti agarup P11,500 a kuarta ken baria, ken P18,000 a gatad ti dua a tablet.
Naduktalan ti insidente kalpasan nga impakaammo ti maysa a mannursuro ti pasamak manipud iti nasao a pagadalan.
Maibasar iti closed-circuit television (CCTV) analysis, simrek dagiti suspek iti likudan ti kongkreto nga alad ken puersado a dinadaelda dagiti kandado ti sumagmamano a kuarto tapno makaalada kadagiti napateg a bambanag.
-- ADVERTISEMENT --
Agtultuloy ti imbestigasion ti San Esteban Municipal Police Station tapno maamuan ti kinasiasino dagiti suspek ken maipasango iti kaso a robbery kontra kenkuada.










