--Ads--

Inallukoy ni Senador Francis “Kiko” Pangilinan iti Department of Agriculture-Bureau of Plant Industry (DA-BPI) ken iti Philippine Statistics Authority (PSA) a dagus a maileppas ken maipatungpal ti Memorandum of Agreement-da tapno malapdan ti nalabes a panagangkat kadagiti produkto ti agrikultura.

Babaen iti daytoy a katulagan, ibasar ti DA-BPI ti pannaka paulog ti import permit iti opisial a datos ti PSA iti lokal a produksion ken suplay tapno saan a maigiddan ti panagangkat dagiti imported products iti panawen ti panaga ani.

Panggep na a salakniban dagiti lokal a mannalon kontra iti panagbaba ti presio dagiti apitda ken lugi da, bayat a masigurado ti umdas a suplay ti taraon iti pagilian.

Pinasingkedan dagiti pannakabagi dagiti ahensia a napirmaan ti katulagan ken ur-urayenda laeng ti schedule ti ceremonial signing sakbay a maipatungpal daytoy.

-- ADVERTISEMENT --