
--Ads--
Impaganetget ti Office of the Vice President (OVP) nga awan ti pakainaigan ti programa a “Pagbabago: A Million Trees Campaign” iti panangsurot ti Cale88 Foods Corporation iti tree planting requirement ti Board of Investments (BOI).
Pinaglibakan ti OVP dagiti alegasion a mangikonkonektar iti panagsali ni VP Sara iti tree planting activities ken iti compliance ti nasao a kompania.
Segun iti opisinana, nairusat ti kampania idi Mayo 27, 2023 kas bukodna nga environmental initiative-na kadua ti nadumaduma nga ahensia ti gobierno ken pribado a sektor.
Umabot met iti 1,386,682 dagiti naimula a kayo iti salinong ti programa, a ti gagemna ket masuportaran ti panangaywan iti aglawlaw ken malabanan ti climate change.
-- ADVERTISEMENT --










