--Ads--

Namakdaar dagiti abogado dagiti biktima iti International Criminal Court (ICC) a posible a mapukaw ti karbenganda a makipaset iti panagdengngeg iti kaso ni dati a Presidente Rodrigo Duterte a crimes against humanity dagiti 13 a biktima nga imun-unan a napalubusan.

Kiniddaw ti Common Legal Representatives of Victims (CLRV) iti ICC Trial Chamber III a lawlawagan ti desisionda inton Oktubre 9 tapno saan a maapektaran ti kasasaad dagiti dati a nailasin a biktima.

Segun kadagiti abogado, mabalin a maeksamen manen ken maikkat ti dadduma nga aplikante gapu iti panangipatarus ti ICC Registry kadagiti petsa ken insidente a saklawen dagiti kaso a naipila kontra ken ni Duterte.

Kiniddaw pay dagiti abogado a mabigbig a posible a saan a direkta a biktima dagiti kabagian dagiti mapukpukaw nga indibidual, nakasaksi kadagiti pasamak ken ubbing a nagsagaba iti sikolohikal wenno pinansial a pannakadangran gapu iti mapapati a pannakapapatay dagiti kameng ti pamiliada.

-- ADVERTISEMENT --