
--Ads--
Naipila iti National Bureau of Investigation (NBI) ti kaso nga estafa ken panaglabsing iti Ecological Solid Waste Management Act kontra iti akinkukua iti Ahjay Paws Aftercare Pet Crematorium ken dagiti indibidual a mapapati a timmulong iti pannakaibelleng dagiti bangkay ti aso ken pusa.
Naipila dagiti reklamo iti Department of Justice (DOJ) mainaig iti pannakaduktal dagiti naibelleng a bangkay sadiay San Jose del Monte, Bulacan.
Segun kenni Atty. Anna Cabrera ti Philippine Animal Welfare Society (PAWS), nakitinnulongda iti NBI tapno mabigbig ken masungbatan dagiti responsable iti nasao nga insidente.
Imbingay pay ni Cabrera a napateg nga addang ti panangipila iti reklamo tapno magun-od ti hustisia kadagiti aso a naibelleng.
-- ADVERTISEMENT --









