--Ads--

Posible pay laeng ti mangbukel ken mang pirma iti Code of Conduct (COC) iti nagbaetan ti ASEAN ken China mainaig iti saan a pagkikinnaawatan iti patangan ti kabaybayan  wenno ti west Philippine sea uray no saanen nga idauloan ti Pilipinas ti regional bloc kadagiti sumaruno a tawen.

Segun ken ni political analyst Professor Antonio Contreras, saan nga agpannuray ti panagdur-as ti negosasion iti pagilian a mang sangaili iti ASEAN Summit gapu ta responsibilidad ti amin a 11 a miembro a pagilian ti mangitandudo iti katulagan.

Nupay kasta, agtalinaed a karit ti pannaka gun-od iti maudi a katulagan gapu iti nadumaduma nga interes dagiti kameng, partikular iti ekonomiya ken patakaran iti ASEAN a kasapulan ti panagkaykaysa wenno panagtutunos dagiti kameng a pagilian.

Iti laksid daytoy, naipadamag a dimmanon iti 80 a porsiento ti negosasion maipapan iti COC manipud iti dati a 50 a porsiento kalpasan nga immanamong ti ASEAN ken China kadagiti addang tapno mapapardas ti panagdur-as na.

-- ADVERTISEMENT --