--Ads--

Mangnayon ti uppat a saksi ti depensa ni Bise Presidente Sara Duterte tapno pagsaritaanda ti registration, regulatory compliance ken aktibidades ti Cale88 Foods Corp., maysa a kompania a nainaig iti asawana a ni Atty. Manases Carpio.

Pagsasaritaan dagiti saksi manipud iti Anti-Money Laundering Consulting Philippines, Department of Trade and Industry (DTI), Food and Drug Administration (FDA) ken Center for International Expositions and Missions (CITEM) dagiti dokumento ken operasion ti kompania.

Pinagduaduaan ni prosecution counsel Armando Virgil Ligutan ti kabaelan dagiti saksi a mangsungbat iti kangrunaan nga isyu no kasano a nakairekord ti Cale88 iti P776-M iti cash inflows manipud iti immuna a nabayadan a kapital a P125,000, idinto a P23-M laeng ti naipadamag a dagup a naglakuanna.

Pinasingkedan ni Ligutan a masapul nga ilawlawag da Duterte ken Carpio ti nagtaudan ti dakkel a gatad ti kuarta ken pinansial a transaksion a marepaso iti impeachment trial, idinto a kuestionaranna pay ti desision ti depensa a saan a mangidatag kadagiti 16 a pannakabagi dagiti banko nga immun-una a kiniddawda a mapaayaban.

-- ADVERTISEMENT --