--Ads--

Desidido a mangipila ti kaso dagiti dua nga opisial ti barangay kontra kadagiti tallo nga indibidual a mapapati a nanginsulto kadakuada ken nangisawang ti saan nga umiso a sasao kalpasan a naipalagip kadakuada a surutenda ti barangay videoke curfew idiay ti Barangay Talogtog, Candon City.

Iti pannaki-uman ti Bombo Radyo Vigan ken ni PLt. Jovelyn Antalan, pinasingkedanna nga adda pay laeng dagiti nagreklamo iti bukodda a pagtaengan bayat nga isagsagana ti Candon City Police Station dagiti nasken a dokumento para iti pannakaipila dagiti katupag a kaso.

Innayonna pay a kasapulan pay laeng a pagsaritaan ken usigen dagiti kasasaad iti insidente sakbay nga aramidenda ti sumaruno nga addang.

Kinumpirmaranna pay nga awan ti nadangran iti nasao nga insidente

-- ADVERTISEMENT --

Maipalagip a napasamak ti mapapati a direct assault idi binalakadan dagiti opisial ti barangay a surutenda ti videoke curfew bayat nga adda selebrasion ti panagkasangay ti pagtaengan dagiti suspek, a mapapati a nagtaudan ti argumento ken pannakainsulto.