
Nadunor dagiti dua a drayber iti napasamak nga aksidente iti Darapidad Road, Barangay Darapidap, Candon City, Ilocos Sur.
Ti black Rusi a motorsiklo ket minaneho ti lalaki nga agtawen iti tallopulo ket tallo, construction worker, agnaed iti Barangay Tamurong 1st.
Ti met black Yamaha Mio 125 a motorsiklo ket minaneho ti lalaki nga agtawen iti duapulo ket dua, Admin Aide, agnaed iti Barangay Darapidap.
Agpapalaud ti Rusi a motorsiklo idinto nga adda iti bangir a linya ti Mio.
Idi nagtengda ti nakapasamakan ti aksidente, nag-overtake ti Mio iti lugan nga adda iti sangwananna ket nagdinnungparda iti sumungad a Rusi nga awan ti headlight-na iti dayta a gundaway.
Gapu dayta, nadunor dagiti dua a drayber ket naipaagasda iti ospital para iti naan-anay a pannakatamingda.
Naduktalan a nakainom ti drayber ti Rusi idi napasamak ti aksidente.










