--Ads--

Nangipatulod ti Senado ti subpoena kadagiti saksi nga innagan ti kampo ni Bise Presidente Sara Duterte kas panagsagana iti pannakairugi manen ti impeachment trial inton Nobiembre 19 ken 20.

Pinasingkedan ni Senate Secretary Renato Bantug a naipatuloden ti elektroniko a subpoena kadagiti saksi a manamnama nga agparang iti panagdengngeg tapno pormal a paayaban ken ited ti testimonia dagitoy mainaig kadagiti isyu a mapagsasaritaan iti impeachment proceedings.

Maipalagip nga immunan a kinuna ni Defense Counsel Spokesperson Michael Poa a plano ti kampoda ti mangidatag iti walo agingga 10 a saksi iti dasig ti Bise Presidente ken mangipaay iti panangilawlawag kontra kadagiti alegasion a linaon ti impeachment complaint.

Karaman kadagiti isyu a mapagsasaritaan iti panagdengngeg ket ti mapapati a saan a mailawlawag a kinabaknang ni Duterte, no sadino a manamnama nga idatag ti depensa ti ebidensia ken testimoniada kas sungbat kadagiti alegasion.

-- ADVERTISEMENT --