
Nagkiddaw iti pammakawan ni Indonesian President Prabowo Subianto iti Singapore ken Malaysia gapu iti napuskol nga asok manipud iti dua a forest fires idiay Indonesia a nangapektar kadagiti kabangibang a pagilian.
Iti panagdar-ayna iti 49th ASEAN Summit idiay Manila, kunana nga imbabawin ti gobierno dagiti 17 a corporate concessions ken maim-imbestigaran ti 104 a kompania a posible a karaman iti uram.
Umaboten iti 71,000 a kameng ti naideploy a mangdepdep iti uram, ngem 16 a bumbero ti natay, adda pay sumagmamano a nadunor ken dua a helicopter ti napukaw kadagiti operasion.
Kabayatanna, inallukoy dagiti lider ti ASEAN ti naing-inget a panagtititinnulong dagiti karaman a pagilian ken ti ratipikasion ti katulagan kontra iti transboundary haze pollution.










