Umaboten iti walopulo a porsiento a nakumpleto ti Southeast Asian nations ken China ti negosasion iti gakat a Code of Conduct (COC) idiay West Philippine Sea, mano nga aldaw sakbay ti ASEAN summit.
Segun kenni Department of Foreign Affairs (DFA) Secretary Ma. Theresa Lazaro, naaddaan ti tulong ti panagbalin a chair ti Pilipinas ti ASEAN summit.
Innayon ti opisial a gapu iti panangidaulo ti pagilian ket napapardas ti panangkumpleto ti Code of Conduct.
Inlawlawag ni Lazaro nga adda pay sumagmamano a panagpapatang no sadino 80 percent ti linaon-na, ti papel ken dokumento mismo ket nalpasen.
Ti nasao a gakat ket isu ti mangted ti pagannurotan tapno maliklikan ti aniaman a panangsakop iti West Philippine Sea ken maliklikan ti aniaman a riri ken mairaman pay ti kaalyado ti Pilipinas kas ti Amerika.
