--Ads--
Saan a bumaba iti 24 a tattao ti natay ken 11 ti nadunor kalpasan ti panagdinnungpar ti maysa a bus ken trak iti asideg ti Kaziranga National Park idiay Assam, India.
Karaman kadagiti natay dagiti dadduma nga estudiante iti kolehio idinto a naitaray met iti Jorhat Medical College and Hospital dagiti nadunor para iti pannakatamingda.
Maibasar iti inisial nga imbestigasion, posible a napaspas ti taray ti maysa kadagiti lugan sakbay ti insidente, ngem dukduktalen pay laeng dagiti awtoridad ti pudno a nagtaudan ti aksidente.
Nakipagladingit met ni Assam Chief Minister Himanta Biswa Sarma ken impasiguradona a maited ti kasapulan a tulong kadagiti biktima.
-- ADVERTISEMENT --
