Impasigurado ti Komisyon sa Wikang Filipino nga itultuloy na dagiti programa ken addang tapno pagyamanan ti pagsagsao a Filipino, kagiddan ti selebrasion ti maika-90 nga anibersaryo ti komisyon.
Segun iti chairman ti Komisyon sa Wikang Filipino a ni Atty Marites Barrios-Taban, karaman kadagiti priyoridad ti Komisyon ti panangituloy ti lima a tarigagay na iti wika, pakairamanan ti panangipasdek ti ad-adu a sentro ti wika ken kultura iti agduduma a paset ti pagilian.
Agtultuloy pay a papigsaen ti Komisyon ti pannakibinnulig kadagiti lokal a gobierno ken national nga ahensia tapno maaramat ti pagsasao a Filipino iti agduduma a lebel ti Komisyon.
Pinasingkedan pay ni Barrios-Taban a saan a masapul a pagbutngan dagiti karit kadagiti baro a teknolohiya, ngem usaren daytoy kas wagas tapno mapadur-as pay ti panagaramat ti wikang Filipino.
