--Ads--
Pinadayawan ni US Defence Secretary Pete Hegseth ti soldado nga ni Specialist Iglesias kalpasan a binabalaw na ti grupo ti sekretario gapu iti panagariwawada iti asideg ti Tomb of the Unknown Soldier iti Arlington National Cemetery.
Napadayawan ni Iglesias iti Joint Service Commendation Medal iti maysa a seremonia idiay Pentagon kas panangbigbig iti kina propesyonal na.
Napasamak ti insidente kalpasan a nangngegan na ti panagkatawa ken panagsarsarita ti grupo ni Hegseth isu nga impalagip ti soldado kadakuada a pagtalinaeden ti talna iti nasao a lugar.
Iti sabali a bangir, dinayaw ni Hegseth ti nainget a panangipatungpal ni Iglesias iti pagalagadan ti monumento a bambantayan ti US Army kas pammadayaw kadagiti suldado a natay iti gubat.
-- ADVERTISEMENT --
