Mamati ti constitutional law expert a ni Atty. Domingo Cayosa a posible a panaglabsing iti 1987 Constitution no adda posision ken interes ni Bise Presidente Sara Duterte iti maysa a korporasion bayat ti panagserbi na kas Bise Presidente.
Segun ken ni Cayosa, maiparit iti Konstitusion ti kaadda ti direkta wenno saan a direkta nga interes iti negosio ti nangato nga opisial ti gobierno.
Malagip a pinasingkedan ti abogado ti korporasion a ni Atty. Suzette Balucanag-Punay Ti pannakairaman ni Duterte iti Board of Directors ken Compensation Committee ti Metro City Chow, Napagsasaritaan pay ti nasurok a P2.1 milion a pisos a mapapati nga inawat ti Bise Presidente kas return of capital manipud iti investment-na.
Iti sabali a bangir, pinag duaduaan ni Cayosa ti pannaka ilawlawag iti makunkuna a “loose investment”, particular ti nagdumaan ti orihinal a panagpuonan a nasurok a P48,000 a pisos ken ti nasurok a P2.1 milion a pisos a naisubli a kapital.
