Manamnama a sumangpet ni United States President Donald Trump idiay Manila inton Nobiembre 17, kagudua nga oras kalpasan ti naituding a panagserra ti Association of Southeast Asian Nations (ASEAN) Summit.
Segun kenni Philippine ASEAN chairmanship spokesperson Dominic Xavier Imperial, adda bilateral meeting-da Trump ken Presidente Ferdinand Marcos Jr. kabayatan ti ababa a panagbisita ti presidente ti US ditoy pagilian.
Mabalin a saan a makaatender ni Trump iti East Asia Summit ta ti ASEAN-US Special Summit ti naikeddeng a maudi nga aktibidad iti aldaw.
Mapagsasaritaan ti taripnong ti relasion ti US-ASEAN, agraman ti seguridad, ekonomia, panagtagilako ken ti pannakidangadang kadagiti online scams ken transnational crime, sakbay a tumabuno da Trump ken Marcos iti Asia-Pacific Economic Cooperation (APEC) Leaders’ Meeting sadiay China inton Nobiembre 18 ken 19.
