Mangi-deploy ti Metropolitan Manila Development Authority (MMDA) iti 2,637 a personnel ken mangipatungpal kadagiti restriksion ti trapiko iti sumagmamano a paset ti Metro Manila para iti masungad a maika-49 nga Association of Southeast Asian Nations (ASEAN) Summit and Related Summits.
Inwaragawag ni MMDA Chairman Don Artes ti panagsagana bayat ti press conference idi Miyerkoles iti Command Center ti ahensia sadiay Pasig City.
Karaman kadagiti addang ti pannakaipatungpal ti road restrictions iti aglawlaw ti Mall of Asia (MOA) ken Philippine International Convention Center (PICC), kasta met ti rerouting dagiti truck tapno mapalubosan ti panaglabas dagiti ganggannaet a delegado ken dagiti security escorts-da.
Inlawlawag ni Artes nga awan ti maipatungpal a panagserra kadagiti dadduma a kangrunaan a kalsada malaksid iti temporario a stop-and-go a trapiko no lumasat dagiti komboy dagiti lider ti estado.
