Nakitinnulong ti Department of Justice (DOJ), kadagiti nadumaduma nga ahensia ken pribado a sektor, a nangirugi ti kampania a “ARE YOU SURE? SURE!” tapno malabanan dagiti agraraira nga online scams ditoy pagilian.
Panggepda a palagipan ti publiko nga agannad ken sukimaten sakbay nga i-click dagiti link, gumatang iti online, mangibingay iti personal nga impormasion wenno mangipatulod iti kuarta.
Paset ti kampania ti SURE Framework ti Spot the Scams, Understand the Message, Report, ken Empower tapno matulongan ti publiko a mangliklik ken mangireport kadagiti online scams.
Inallukoy ni Justice Secretary Vida dagiti nadumaduma a sektor nga agtitinnulong kontra kadagiti cyber scams ken liklikan ti panangpabasol kadagiti biktima, ket di tulonganda dagiti biktima nga agpanunot ken mangted ti naan-anay a solusion.
