Binabalaw ni Senador-judge Raffy Tulfo ti pannakaammo ni Atty. Suzette Balucanag-Punay maipapan iti return ‘on’ investment wenno return ‘of’ investment mainaig iti isyu ti saan a mailawlawag a kinabaknang ni Bise Presidente Sara Duterte.
Segun ken ni Tulfo, rumbeng a nag-research ti saksi sakbay a nagparang iti impeachment trial, nangruna ta saan a makasungbat kadagiti simple a saludsod maipapan iti nadakamat a transaksion.
Impaganetget pay ni Tulfo nga awan ti indatag ti saksi a dokumento wenno kontrata a mangpaneknek a ti mapapati a bayad ket pudno a return on investment.
Kinumpirmaran ni Balucanag-Punay a nadakamat ti maysa a cancelled check kas payment for return on investment ngem inaminna a saanna a nakita.
Binabalaw ni Tulfo ti saksi gapu ta saanna kiniddaw ti kopia ti tseke ken kontrata manipud iti GenCorp uray ammona nga agparang daytoy iti hearing.
Pinagduaduaan pay ti senador ti 15 a tawen a kapadasan ti saksi kas abogado ken no apay a saan a nakasagana kadagiti saludsod maipapan iti transaksion.
