Indatag ti Estados Unidos ti kiddaw iti Makati Regional Trial Court Branch 145 a mai-extradite ti lider ti Kingdom of Jesus Christ a ni Pastor Apollo Quiboloy ken dua pay a naidarum mainaig kadagiti kaso nga international human trafficking, sex trafficking, conspiracy ken bulk cash smuggling.
In-raffled off ti korte ti extradition request bayat a nakabalud ni Quiboloy idiay Pasig City Jail, a sumangsango met iti kaso a qualified human trafficking.
Naduktalan ti Sandiganbayan Third Division a 220 laeng kadagiti 450 a closed-circuit television (CCTV) camera iti Bureau of Jail Management and Penology (BJMP) Quezon City Jail Male Dormitory ti agtartrabaho, pakairamanan ti kaawan ti CCTV iti cell area ni dati a House Speaker Martin Romualdez.
Binilin ti Sandiganbayan ti BJMP Chief Jail Director Efren Nemeño a mangipasa iti uneg ti 10 nga aldaw iti report maipapan iti kasasaad ti sistema ti CCTV ken binilinna ti BJMP National Headquarters a mangtaming kadagiti pagkurangan ti seguridad ken mangipasa iti resulta ti repaso iti uneg ti 30 nga aldaw.
