Itantandudo ni Senador Mark Villar ti komprehensibo nga estratehia ti panggedan a mangipamaysa iti skills development, industry-responsive training ken napigpigsa a proteksion para kadagiti trabahador tapno maksayan ti kinaawan ken kinakurang ti panggedan.
Maibasar iti datos manipud iti Philippine Statistics Authority (PSA), dimmanon iti 49.21 milion ti bilang dagiti agtartrabaho idi Hulio 2026, idinto a 3.14 milion ti awanan panggedan ken 6.33 milion ti kurang ti panggedan.
Itantandudo ni Villar ti Senate Bill No. 1272 wenno ti Kabalikat sa Hanapbuhay Act; Senate Bill No. 1641 wenno ti Barangay Skilled Workers Registry Act, ken Senate Bill No. 649 a panggepna a papigsaen ti proteksion ken paglaingan dagiti trabahador iti digital economy.
Indagadagna pay ti nasingsinged a singgalut ti Technical Education and Skills Development Authority (TESDA), pagadalan, ken pribado a kompania tapno maitunos ti panagsanay kadagiti kasapulan ti industria, bayat nga agtultuloy ti binulan a MARKAbuhayan job caravan.
