--Ads--
Makaduan ti Gilas Pilipinas ni naturalized player Bennie Boatwright iti fifth window ti FIBA World Cup 2027 Asian Qualifiers kalpasan a pinasingkedan ni head coach Tim Cone ti availability-na.
Manamnama a sumabak ni Boatwright iti dua a nainget a laban ti Gilas kontra Syria inton Nobiembre 27 ken Iran inton Nobiembre 30 idiay Kuala Lumpur, Malaysia.
Dakkel a nayon a pigsa ti kaadda ni Boatwright iti grupo kabayatan nga agpapalaing iti injury ni naturalized player Justin Brownlee.
Agdama nga adda iti maikalima a puesto iti Group E ti Gilas babaen iti 4-4 record isu a target-na a makaala iti napateg a pangabak tapno sumayaat ti puestoda iti standings.
-- ADVERTISEMENT --
